琴日...我地卜左場打當練波~!亦都係我上星期受傷以黎第一次打返波~!雖然感覺係慢慢好返..但自己都知只係好返60%以下..因為隻腳依然係痛..特別係跑動時~!打左兩三場..覺得自己好冇用..又唔跑得快.又跳唔到.每一步都要就住黎打~!不過都總算係進展得唔錯..諗住今日果場都免強可以打^^~!但係....>.<..打打下我又再拉傷同一個位.....好無奈...好痛..感覺比上兩次仲痛~!又係要俾人抬出場>.<~!唉...所以好無奈咁要放棄打今日果場~!
到左今日....我訓到10點幾就起左身...而隻腳就好似返返去前三四日果個情況~!行路又要拐下拐下咁..又痛~!於是下晝就叫個fd陪我去睇跌打..因為係我fd介紹既..所以佢只收左我$60~^^
到左比賽喇...唔計我得七個人打昨我地~>.<~!而我就只能夠做啦啦隊為佢地打氣=.=~!最後我地係一直領先既情況下勝出..今次只係贏9分..46-37~!但係都試過俾人差d追到~! 下一場係8月19日夜晚8:00係旺角花墟打~!希望到時我既腳傷可以好返..不過我知100%好返應該冇可能...但係起馬都要有70%-80%啦..因為呢一場係生死戰..而呢場既對手比上兩場都強..特別係內線...而我地就只係得3個可以打到內線..冇左我就只係得兩個..一定唔夠打~!所以我一定要打~!如果贏左我地就入16強架喇~!
只係得兩個星期時間俾我康復...我要把握時間呀~^^