琴日(3月31日)..由於老細返左大陸既關系......

所以做完佢交帶落既野就可以收工~所以4:00pm唔夠就放工lu^^

返到屋企抖左陣....就換衫..落石排街..!因為今日有比賽要打呀~^^

大約7:00pm就開波喇~!而我地既對手係安柱~!

上次俾佢地贏左青籃A.><...所以今次我地青籃B要幫A隊報仇~!

不過我地唔夠5個..所以要係A隊借人黎用~!

我地既分數一真都似差唔多..互有領先~

打到第四節..我換左我細佬出黎....(其實我仲好有氣...不過想俾細佬打下)

但似到左第四節尾...我地一直輸緊兩三分.>.<果陣我真似好想好想出場打呀~!

得返最後幾秒鐘...我地仲輸緊兩分>.<...好彩呢個時候七仔搏到four~!

兩球罰球全中~^^.....打和呀~!要打OT.....

打到8分鐘左右...我忍唔住喇...我換左肥添~!

出到去我D火又出返黎喇~又係得返最後幾秒....又似輸緊兩分.....

呢次係我係籃底搏到罰球...都係兩球入晒^^

所以..要再打加時~!呢次我地全力進功....

係呢10分鐘入面....我拎左大部份既分...加埋七仔最後果球...

最終我地贏3分呀^^最高得分既係七仔.有21分..

而我就有16分..而且有全隊最多既籃板^^

WOO.....超正呀~^^

不過之後幫返A隊打果場...我就因為揪根打左都唔夠兩節~!

之後原本仲有3on3打...哈哈...我打唔到lu....

打完晒之後就扮獎喇....第一係係安柱>.<.(勁唔想佢地拎)

第二、第三就係青籃A & 青籃B~!

哈哈..我拎左兩個牌呀^^重有個獎杯呀~^^

而今日就返左大陸...去完拜山..再去飲我表哥果餐...

因為佢今日結婚呀~^^真係恭喜晒呀~^^

唔知幾時又會到我呢~?!哈哈.....