好多人表面睇呢個我好開心...好風光...雖然唔係有錢...但有好錫我既屋企人...有好錫我既男朋友...有人會好羨慕我,羨慕我有一個咁free既屋企...羨慕我可以同男朋友有咁多開心既回憶...但你地明唔明白...只係我唔會將我唔開心既野話比你地知...但唔等於我冇唔開心...
冇錯...同佢地一齊...開心既野係好多...但唔開心既野更加多...人地會同我講...過去左就由佢過去啦...唔好諗喇...呢句說話o係我安慰人既時候我都識講...其實講就易...好多野發生o係自己身上既時候就唔會咁講...如果你地係我...果日既事發生o係你地身上...你地又會點??點解經過咁多事...我都仲要o係你身邊一直陪住你...支持你...即使個個都叫我離開你...叫我放棄你...唔好再理你...即使你放棄過我...厄過我...做左幾多對我唔住既事都好...我都仲可以同你一齊??係唔係我太傻??太蠢??我仲繼續同你一齊...係因為我唔想你o係呢個時候得番你自己一個...唔想你自己一個去面對呢個問題...想陪住你...原諒...我冇資格講原諒你...因為我做錯既可能仲多...只係你唔知道...呢件事發生左之後...個個都話我錯...將個波推落我度...其實我有咩錯??我當初做得最錯既係冇即刻放手...攪到自己仲辛苦...係...真係...kami你真係好on9...你對佢幾好為佢做幾多野都好...佢明咩??多餘...佢可以口口聲聲話好愛你...但佢可以一次又一次咁傷你...點解仲要咁on9同佢一齊...佢唔係有錢唔係令仔...你跟住佢有咩好啊...你明唔明啊...!!!!!我點解要跟住你啊...我係唔係蠢到要跟住一個對我唔好對我唔住仲要成日講大話又冇錢養唔起我既人啊......
我講過...只要兩個人一齊開開心心...住九龍塘同住九龍城都一樣架咋...食飯食粥都好...都係睇身邊果個係邊個之ma...我樣樣已經做到好足...我唔知點先可以做得再好d...你想我點...不如你教我點做啦...我知你份工搵得唔多...冇咩錢...我咪同你儲錢囉...我買少兩件衫...用少d囉...我知你辛苦...咪出去搵份工...同你一齊捱囉...辛苦d又有咩所謂o者...都係睇o下有冇一個人可以同你一齊捱之ma...我地咩日子都經歷過啦...餐餐捱包...點解果d日子都可以咁開心...但點解宜家唔可以啊...辛苦...我真係唔怕...再辛苦都好...兩個人一齊始終係幸福既...我地有目標...但從來未曾真真正正咁去實踐過...儲錢...原來真係好難...想同你一齊搬出去住...要搵好多錢...要等你真真正正冇事...我先會同你一齊住...我唔想你到時有咩時果陣我要自己一個人o係呢間屋入面...每一日起身...放工番黎...訓覺...都係自己一個...我唔要咁啊...我真係好憎自己一個啊...如果呢件事冇發生過...我諗我地到今日都仲可以好開心架...但宜家我心入面已經有條刺...永永遠遠插左o係心入面...好難再拎番出黎喇...我會永永遠遠記住你比我呢條傷痕...係我做左咁多年人入面最痛最痛...介得最恨既一次...我真係忘記唔到果一日...好辛苦...