怱然間回想起,一個有人問過我的問題: 你有幾了解自己?

我好似好理所當然回答: 自己嘛, 點會唔清楚了解自己呢? 唔通你會清楚得過我? 嗰個人冇答我, 只係笑一笑,就冇再講落去了. 初時我都唔為意, 但後來想深一層, 又發覺自己冇想像中咁了解自己. 咁之後我便問佢為何要咁問? 佢就話: 你成日話自己蠢, 要學多啲嘢, 咁你要先了解自己先, 才可以增進智慧. [知人者智,自知者慧] 慢慢諗下啦. 我到咗呢一兩年先開始體會到呢兩句話的意思. 一個智者, 會想到其他人的思路, 當別人行緊第一步時,已經預測到佢下兩步、甚至三步的方向, 而一個慧者, 會完全清楚了解自係個咩人, 可以做到d咩、想要d咩、 從而目標清楚,計劃並實行. 心中所步署的每一步, 從不浪費自己的時間. 好希望我可以做得到