時間：今日下午2:49



地點：官塘某工廠大慶停車場



事發經過：

我地公司既食飯時間係2:00，今日比較忙晏左2:35至出去，由我離開公司大廈門口我點左支煙，行左大約兩個街口既距離，因為落雨我同事就示意想行入旁邊大慶既停車場，我見支煙都食完，停車場內入口不遠處有個垃圾桶，而門口出面又冇垃圾桶，咁我就同同事一齊行左入停車場，點知一入去行左冇五步，就有班人係垃圾桶果邊行出黎，第一句就講【身份證】，我仲意為係警察，點知俾左身份證佢我至見到係控煙辦，好啦！我問佢咩事，佢話我係禁煙區食煙，我就話支煙係出面食完架啦，我入黎掉左個煙頭喳，呢個時候攞住我身份證既人就走遠左啲，就已經係道係咁寫啦，個貌似上司既人就同我講，點著左既煙都係犯法，我俾佢睇係息左架喎，我同事就話要影相，佢即刻就話，影都冇用我地拉你果時係2:49而家係2:52正常支煙都燒晒，唔可以做証據，好唔正常喎分幾鐘燒得晒，果支咩煙黎架！佢話唔理告票就寫左啦，你可以自己寫信去書面抗辯，但係三個星期內唔交錢就要上法庭，到時可能要俾雙倍再加堂費，仲要話佢唔介意我投訴返正呢Ｄ唔算係理由，唔會受理！



有冇搞錯我都冇犯法，我明知唔食得至係出面食完至入去，出面冇垃圾桶，我入去掉煙頭有幾奇，明明個煙頭係息左，佢又話我點著左，都得返個慮咀啦仲點著呀，唔通我掉落地下先唔算犯法？



之後我打去控煙辦既投訴熱線，點知原來係另一個部門接電話，果個哥哥仔都好有禮貌，但係我真係好興，我講晒個情況佢聽，但係佢都係果句，叫我寫抗辯信，到時要睇個官點信邊個，有冇搞錯，到頭來結果都係一樣！



事後諗返起頭先個情況，我簡直就同係屋村俾古惑仔打劫冇分別，分別只係俾古惑仔打劫我可以打鑊甘既佢，俾政府人員打劫我限時唔俾要俾雙倍！

咁既事都可以發生，我仲係咪應該奉公守法！