今晚約左Mandy 同佢補祝生日~ 我尋晚放工前就 book 左灣仔合和62樓既R66~ 未去過~ 但好似好得正囉~ 今晚OT一個鐘後閃人~ 去灣仔MTR等 Mandy~ 上到去~ 行左幾步~ 我地異口同聲話好正呀~ 個view!! 真係360度轉架~ 野食都OK~ 不過值得一讚既係 d 切得唔係太好既三文魚~ 但係真係好肥美~ 好好食~ 我地兩個都食左好多! 哈哈~ 但係我食完冷盤都已經飽飽地~ 傾下計~ 九點九臨尾食埋甜品先~ 如果唔係十點就收晒 d 野架喇~ 食完繼續傾~ 十一點幾~ 人地都要收工~ 全場淨返我地兩個~ 係時候要走啦~ 真係唔想走住呀~ 哈哈~