已經過左身第二日.. 就可想而知本王o係老豆家族o個面地位有幾高.. 同atm 無分別... 尋日朝早五點幾過身.. 過中午前阿叔就已經開口問我借錢買棺材.. 我多一事不如少一事.. 俾左三萬佢頂住先... 當係我俾埋細佬o個份... 點知佢開會都唔叫我..(老豆走左佬..o個房人得返我係最大個).. 而家都未通知我應該做乜.. 唔緊要.. 你話事.. 我也費事煩...

今日下晝收風話要葬去將軍澳(土葬).. 佢地係唔係癲左.. 地點真係shit 爆.. 八九成人o係屯門住.. 你葬去將軍澳... 有邊個會去拜山... 阿麻佢咩事過身你地又唔係唔知.. 仲要土葬.. 算了.. 我都係發下up瘋... 而家我只係做返一個孫應該做o既野就夠.. 唔會多又唔會少..