今日四月二號星期六 我好傻(!) 好唔開心(!) 仲好攰(!) 我去左油麻地果邊一日遊- ,- 唉 真係好鬼無聊呀可? 我一心諗住去搵你 以為今日就真係會有個清楚既答案 但係..我發覺原黎你變到好狠心 你可以一個電話都唔聽 0_0 你知唔知呀...我自己去左我地第一次約會既地方到行番 之後行到去戲院果到.我白痴到買番包檸檬茶黎飲 唔知...你仲記唔記得呢 - _ -

當我真係去到油麻地既時候.係地鐵站行左出黎.望一望.今次唔會有你係到等我; 但我發覺我行每一步.去每一個地方. 都有好多好多屬於我地既回憶.之前既事全部係個腦到出番哂黎. 我周圍行既時候.有好幾次都經過你屋企樓下. 平時有你係身邊.就冇乜野.今日自己行.先發覺真係好多好多車 一個唔小心真隨時俾車撞 之後我竟然企左係到望.係到等. 我係到諗緊...你會唔會咁岩要出門口呢? 咁我咪會見到你囉 =) 雖然我唔知你係唔係屋企 @v@ 但我見到你間房...開左窗..仲有果塊窗簾布 通通通通我都記得我都認得 (!!) 果刻...我真係超想係樓下大叫你個名囉- - 我知道...你係故意避緊我.你絕對唔係訓緊教而MISS左電話 心諗...算咧 (!) 有緣千里能相會呀嘛 (!!) 仲有果間華潤呀.我入去行左陣.不過已經冇你再陪住我推住車仔買成堆野 之後又行左去果個公園.我地係果個公園食過M記.記得嗎? 你係果到揹過我.記得嗎? 仲有果檔賣車仔面既檔口同埋果幾間71同OK.你成日去買朱奶飲架. 我行左好耐好耐.果種感覺真係好難受.我好想好想番番去之前咁呀(!!)

一路行一路聽住歌 (!) 「傷情路」「兩湯一面」「多得你」「再見不是朋友」 「冰吻」「後補情人」「兩個世界」「貝多芬的悲傷」 呢八首歌 你記唔記得呀? 句句歌詞都入心入肺 /_\ 仲有我地首LOVE SONG 你記唔記得呀 「ONLY LOVE」呀(!)

NG SHUI TUNG 由九月份到依家.你俾過三次既時間我.我等(!) 但呢三次我永遠都等唔到.唔係我唔願意去等你.而係你完全冇在意過我仲等緊你 一切一切 應該就咁了結 講真呀 我係FACEBOOK都唔知講過幾多次要放棄 要放低 要忘記 - . - 身邊D朋友每次見到我咁 罵既又有 講道理既又有 我一開口提親你 個個都唔想聽 個個都係叫我算咧 唔值得架 根本係我自己死纏難打 我依家既感覺就好似09年7月你黎搵我果陣咁樣 - _- 我徹徹底底咁明白你果晚既心情 (!) 果晚八號風球 你好傻咁黎左我屋企樓下等我 但我完全冇理過你 果陣既我唔識珍惜 @@ 今日 到我傻番次 我係咁打電話俾你 你冇聽 我去到你果邊搵你 你冇理過我 好似一切都係註定咁 係咪當打和呀?

自從兩年前打既果篇長XANGA.我已經好耐都冇打過咁長既一篇野嚕 雖然唔知你會唔會睇到呢篇野. 但如果你睇完之後.我同自己講.亦都代表陳莉莎同你之間既所有關係都到此為止(!!!!!)