９月２４，記得第一次同你見，我記得果日約左你不過我遲左起身，你話都要見我，之後就搭的士落左黎搵你，之後你竟然睇書唔理我，又唔同我講野。跟住我約左ＦＤ去唱Ｋ，你就返工，跟住我係咁打比你，之後你要做野陪唔到我傾，緊係我地就ＳＭＳ，我問你有冇野想同我講，之後你就話你中意我。我話我都係～之後果晚我地夜晚又出左黎，一出到黎你就問我邊度有廁所ＸＤ　跟住去坐左一陣就返屋企。你送到我返去跟住我好唔捨得你。。係咁唔肯走。。。果晚我記得你同我講你係一個衰人。。。

９月２７，果日係我第一日返呢份工，你上左我屋企跟住送我返工，比我新同事見到你～ＨＡＨＡ～之後做野好辛苦好掛住你啦～跟住終於放工喇，係我公司門口見到你，但你冇同我講你會黎，。果下我真係開心到傻笑，我感動～～果次之後我就真係愈來愈鐘意你～

１０月１號，我同你第一次返大陸揼骨，第一次同你去食野。你食量好驚人啊。。。一晚食左３餐＝口＝　食完一陣又話肚餓，好似食唔飽咁囉～同埋果日我真係好嬲，你係咁同Ｄ骨女講野，我睇住火到黎埋。我都會呷醋架！～同埋果晚之後就真係覺得你好曳囉。。係咁係間房度大叫，同埋比你睇到我第一次發脾氣。。。

１０月４，大家都拎左同一日假，之後你上黎買野比我食啦。陪左我一日，又陪毛毛玩，幫毛毛影相。不過果日好攰囉～我發覺次次放假見完你仲攰，同冇放過假冇分別～～記得你陪我去搭車，你走左兩部車我都未上得車，跟住你都陪我等到我有車你先行去等車～你做既每一件事，我都ＦＥＥＬ到你對我好細心。其實你對我好，我知架～～

１０月１５，第２次同你返大陸，去左ＮＥＷＡＹ唱Ｋ，你同我玩大話，之後我輸左要飲一杯，你輸左就飲一鍚。之後我冇醉你又係咁話我醉，叫左個意粉你又食哂我既～好記得我同你講，你係呢度落車就要掛住我多Ｄ～每一次同你分開既時侯我都好唔捨得，因為我唔知下次幾時見到你，仲有冇機會見到你～～

１０月２４，你終於同我講左喇，，，，，，，結束了～～～～