病左幾日

阿媽今日終於知道我病左

由9點半一路鬧到1點幾

又話我特登整病自己

害佢比錢我睇醫生! (當然最尾無睇到)

一次又一次甘講佢d 光榮史

佢以前梗係甘辛苦喇!

但依家咩世代喇?

佢話佢以前睇醫生只係要 $0.3

依家大大話話最少都要$100喇

唔同時代喇= =" 唔好再講以前好唔好

唔好再講隔離某某人/邊個阿姐既女考得幾好幾好

好彩佢講果時係黑雨..

唔係既話我即時著3離家出走!

我訓公園無所謂架...最多比蚊咬下

終於因為我食左藥...頂唔順就去訓左

佢先唔再講落去....甩難~!

訓左兩個鐘甘上下..起身食左d粥

同某人傾左一陣電話(雖然成日都係度sms)

就開始執下我那個""亂葬崗""既書台(阿媽下聖旨要執)

老姊就好喇!! 有得返大陸避開阿媽既""魔音功""

唉....搞到阿媽無時無刻唔係掛住佢d寶貝股就係鬧我同老豆

....唉~~繼續執""亂葬崗""先....orz