自從上年登過一篇之後，都冇再係一刻館打日記。
上年讀緊中五，估唔到今年又係讀番中五……仲記得個帳號我係係中四果陣申請既……哇，真係一年黎一次啵。

我總結過自己哩兩年既生活，哇，變化大囉……最明顯有一樣變化係，我既脾氣愈來愈大，哇，真係自己都覺得自己恐怖……事實上，我今日至同屋企人嘈左一大餐……不依家冇事。

報告一下，當重讀生已經當了一個月，日日晨咁早撲出長沙灣返學，六點鐘彈起身已經成為習慣……冇辦法啦，自己攞黎既。
而今日無啦啦想摷返ＤＮ年前既漫畫黎睇，唔知冇人知道《的的亞》哩個漫畫？兒童快報出架，我五年級果陣好中意睇架……我上兒快個網站睇，搵到第一集……而家想搵返Ｄ舊野黎睇都唔係咁易……

最近追緊輕小說《零之使魔》，有冇人有睇開架？好正啊……好啦，日記大致上係咁多，下次再見啦。