今朝10點就同睪丸雄去到九龍城打機，中途撞到海獅，打機途中阿ｍａｙ同ｍａｎｄｙ黎到一齊打，我地打到１１點到就返中心，怕事威打電話黎問我係邊，我同佢講話行緊返中心，佢話佢仲未出門口囉，
當埸啞曬！！返到中心之後等佢等到１１點半佢先黎到，跟住就搭車去西貢開始玩分組遊戲，要收集好多野，兩點鍾係碼頭等。到左後又開始第二個遊戲，玩到兩點八九到就開始等船。嘩！等船等成半個鍾囉！
到達營地就放好ｄ行李，然後又開始玩遊戲，玩到六點零鍾就開始食晚飯，七點鍾再玩過，成晚都係勁玩遊戲，冇記錯應該係玩到１１點零，然後就自由活動，我為左同怕黑淇搶廁所沖涼，搞到我仆街，ｄ手手腳腳全部傷曬，勁痛！！個廁所又低能喎，洗手盤一個有水，一個就冇水，浴室就一個凍到抽筋，一個熱到叫曬救命，我同怕黑淇一路沖就一路叫，我就叫好熱，佢就叫好凍，其他人以為我地傻左囉！！大家沖完就坐曬係到傾計，傾傾計ｌｉｌｙ同海獅佢地入左我地房，開始玩啤牌，玩到癲曬！！玩下玩下，我開始【支力】，就灘左係床到，突然唔知去博士張床拎ｄ咩，佢地系地下玩緊，我費事阻住佢地，咪碌過去佢張床到囉！咁岩比佢地見到，就話我扮成龍，勁無奈囉！咁又多樣野比人笑，好彩我唔ｍｉｎｄ。
玩下玩下就四點幾，大家都玩到【支力】喇！ｌｉｌｙ佢地就返房，我地就上床訓覺。
諗返起ｍｉｃｈａｃｅ玩生命線就好笑！^﹏^"