今日係我咁耐以黎第一次用電腦寫日記... 短短呢幾個月裡面, 係我人生中首次嘗到愛究竟係乜野... 我遇上一個真正喜歡既人, 而且無時無刻都會諗住佢, 掛住佢... 雖然佢多次咁拒絕我, 但係我對佢既愛, 並冇因為咁而變淡... 反而時間越耐, 我對佢既感情就越深... 我不斷咁問我自己, 點解我會愛上一個咁既女人... 佢大我4年, 而且仲結過婚, 又有個女... 點解我會揀中一個咁既女人... 但係每當我知道佢有d咩唔開心, 我既心情就好沉重... 我感覺到我對佢, 唔單只係單單只係希望"擁有"咁簡單... 而係佢將會係我以後需要"照顧"既人... 眼前既呢個人, 仿佛就已經係我生命既一部份, 為左佢, 我願意為佢去等候... 願意為佢改變... 雖然我唔知道呢條路會有幾長, 亦都唔知道我會堅持到幾耐... 不過係呢一刻, 我好清楚知道, 一個男人連自己都冇能力照顧, 又點會能力去照顧身邊既人!? 我向自己許下承諾, 我會為佢改變... 希望有一日, 我可以帶佢走出呢個困局...