2009年03月22日
今日係星期日,我同媽咪出旺角行街,令我諗起二表姐,之後我地一人買左一對鞋,就去左街市買送,番屋企煮飯食!!!
尋日我同媽咪10點多就坐的士去瑪加烈醫院度搞二表姐d野,順便探<老爺>所以買左兩大袋食/飲品...
之後就落番樓下搵大舅父佢地,表弟同細佬都黎左,大表姐,細表姐,大舅母同佢d教友都黎左,跟住就去左3樓天台做一d儀式,我地同輩要拜,我又忍唔住喊左出黎啦,我企的位置,咁岩睇得到二表姐訓在棺材的樣,令我更加...
之後搞左一大輪,就要同佢換衫,放陪葬品...然後大表姐點完數,發覺佢地將耳環當手鐲,所以叫佢地將佢除落黎放在旁邊得啦...
最後我地每一個人去睇二表姐最後一眼<佢成塊面都縮晒,完全都唔似係佢個樣架>就一齊上車去火葬場啦...
去到發覺個火爐太細,我買d野太大,所以叫佢地車走先,到打嚌當日先燒,說著我地就入番禮堂,拜左二表姐幾次,做完儀式後,由大表姐親手<按制>送二表姐入火爐,我睇見又...
終於搞掂啦,之後我地再一齊去紅磡放低二表姐張相等等(即係暫時的靈位)<靜係得同輩去>跟住又做左d儀式,再決定埋打嚌日子(4月5號),我地就一齊番去酒樓搵番佢地一齊食飯啦,{我已經將俾大舅母個平安符交左俾大表姐啦}食完再帶大舅父,媽咪去睇二表姐靈位係邊,之後就分兩部的士番屋企,兩個表姐同大舅母一架,我同媽咪,細佬,大舅父,表弟一架,番到屋企樓下,大舅父佢地走,細佬係屋企,我就上左呀安度,10點幾就番去啦!!!
} else { ?>
SendSend之家 只跟部份人分享這資訊。