前晚我同媽咪果邊一家人去補祝母親節~~
因為開OT既關係,7點幾先走得,
但係阿媽話8點開飯~~所以問公司借左部車揸去~~~
去到果度,見到一個寫住"上午9點-下午6點"既卸貨區~~
我就諗都唔諗就泊左係度~~因為我去到既時候已經8點咁上下...
當我食完飯去到卸貨區既時候~~竟然見到我公司部車比人鎖左~~
好無奈咁企左係度~~正當我o咀既時候,有2個阿姐行過我個方向~~
我好灰咁問點解鎖我車~~佢話呢個係卸貨區...唔泊得車~~~
但係我話佢寫住"上午9點-下午6點"喎~~
佢答我呢個係鋪頭開門時間~~
我又問佢點解會同卸貨區個牌放埋一齊~~佢都係答我同一個答案~~
無論我問佢幾多次,佢都係咁答~~
最後我就好灰咁行左去比錢~~咁就無左三百二蚊...
番到屋企之後就泊左部車係樓下咪標位~~
打算第二朝8點揸番工~~因為8點打後就要比錢~~
但係第二日竟然訓過"龍"~~8點半先落到去~~
當我行埋部車度既時候~~竟然有張紙放係度~~
而果張紙就係傳說中既"牛肉乾"...
最梗要係比人抄牌既時間係8點26分~~~
果陣時既感覺就好似比人屈機咁...
唔夠10個鐘頭就無啦啦無左六百四蚊啦~~
灰..............