今日訓到3點幾比個同事打黎嘈醒左.不過都好如果唔係甘我都唔知會訓到幾點起身.甘就哂左一日.起身後好無聊真係唔知做咩好.睇左一陣賽車就走左去開電腦上網.上左陣網開始發覺自己睇黎睇去都係果d野.係哩個時候我就開始覺得放假原來係甘死悶架.忽然間諗下諗下我好似好耐無上過黎哩到甘咪又上黎睇下囉.上到黎諗左好耐先記得自己個acc既pw=.=我仲諗住太耐無上黎個acc比人delete左.一入到黎嘩.係自己N年前既頭像呀.哈哈.睇番先發個自己都幾低B-.-入到番言板仲驚訝..竟然仲有人留言比我喎.哈哈真係開心死.覆左牛言就走左去整下D相.唉甘耐無上耐..係甘易都整下啦.加下D相甘囉..唔係又有咩做呀.講真我而家都好小時間上網.返工時間太長啦.放左工返到屋企睇陣電視就話訓覺.唉而家D人出黎做野真係好多人都係用時間黎換錢.有時真係想返小幾個鍾搵小D寧願多幾個鍾做下自己野.講開又講聽日我要請假去見工第一份係返8放6時間都幾好啦人工都可以既.都有9成機會請我點解會甘肯定呢?一係有朋友介紹.二就係話哂做左哩行都幾年啦.又點會唔請我呀.第二份就係返8放8嘩時間比第一份足足多左2粒鐘呀.但人工又比第一份既高幾千蚊仲多左兩日假.但最衰既係要輪班.仲要係散工.其實散唔散工都無咩問題因為我唔怕佢唔夠工開.我只係怕返夜同無福利姐.而做開哩一份就唔駛講啦.時間長.D同事又......所以我都決定唔做架啦.哈哈講住甘多先..下次得閒既話上黎再寫過