今日返學...食lunch果陣ivan打電話俾我~佢話俾我知~佢搵到佢仲意既人啦~我都唔覺得有咩感覺~只係覺得好hi,因為我都係利用緊依個人去同傑斯鬥氣...不過我真係受左太多野啦~

放左學我要返工啦~shit~又返永成~不過我都冇同過果度d sales傾計~只係同隔離個se promoter傾計同傾電話...俾我知道左好多世界醜惡既一面~我好驚~我愈來愈想逃避現實~愈來愈唔知點去面對自己既人生....

今日我上堂都冇咩心機上~功課又因為琴日冇心情而冇做到,今日唯有用化妝去蓋住自己d咁肉酸既樣~仲著左公主裙返學~收到好多人話我靚,唔知開心好定唔開心好~~上bs堂果陣我收到七仔電話,傾左一陣~知道左好多野~我唔想講大話扼錫我同關心我既人~所以我全部都話晒俾七仔知~等放學....今日我唔知係強迫定elsa佢地自願地俾我拉左去又一影相~~影左好多相~~

之後我聽到我老豆話冇錢幫我交學費~我等佢地走晒就搭車返去~今日講過唔講粗口~但都講左...因為我好辛苦呀~唉.....同亞鬼傾左陣電話就返到屋企~老豆好語重心長咁同我講好多道理~我好開心呀~我一生人最憎就係講大話同俾人鬧,所以我寧願人地好靜咁用我講道理都好過一開口就鬧我囉~我唔係冇提過我要交學費~係佢地冇左件事咋...我提左好多次啦~

不過點都好啦~我好唔開心....好想喊....好想喊....但我點都要多謝同我傾電話開解我既人~有你地我先可以生存到依家~~


放工後同se個promoter去左買手袋~見人買~我自己冇得買~anyway~我慣啦~我唔想次次都係咁~好辛苦呀~then一個人去左富運搵七仔同家恒爸爸~點知係下面撞到好多人...o冬o冬、小伙子、家驅、七仔、家恒,五個人陪我一個去食飯~because佢地唔俾我去今日果個又煙又酒既場喔~傾左一陣佢地都要返去啦~爸爸送我去搭車~

返屋企既時候~我同stevenie傾電話~講返ivan件事~之後我好不安~我好想死...所以我打電話俾傑斯~因為佢係我由此至終最愛同最錫既人~我有咩問題我一定會搵佢....同佢傾左好耐....佢整喊我....但同時令我笑得最真~~我同佢鬥氣係因為我唔甘心~~~傾到點幾鐘~佢要訓啦~~我唯一可以做既就係眼光光等天光.....眼都喊腫了......