今日再戰嘉年華~~~同左十仔,家駒,tammi,飛,阿妹同埋澤鄰去~~~
可可臨時入左醫院無去到....可惜呢~~~
原本約左3點架...點知個個死人野3點先起身-.-去到都成5點了...
不過今日呢個嘉年華無上次咁多人,哈~~玩樣樣野都唔使點排~~正~
今日呢個嘉年華...應該係我呢世人去過既最驚一次....
我不嬲至鍾意玩呢D機動遊戲...我從來都唔驚呢D野...
不過今日玩G-FORCE無扣安全帶...仲要吊到十樓先知-.-個種心情真係而家諗番都一額汗......
仲記得當我同澤鄰吊左上十樓時...我發覺條安全帶無扣時...
我問澤鄰:你...呢條係咪應該要扣實架...?
佢話:下...唔係化...
我:咁你個條...?
佢:我個條實哂架啵...
我聽完之後...個種壓力大到...我從來未玩過一隻機動遊戲攬得咁實-.-我剩係想佢快點完-.-.........
下到地面時,我問個工作人員:其實呢條係咪唔扣到得架...?
個工作人員呆哂咁望住我:.......下...唔..係..下..化....
我真係燥到個一刻即刻吊哂老母...差點就做左2007年香港第一個空中飛人@@...
呢個嘉年華...我諗我一世都唔會唔記得....嗚~~~~~~(諗番仲驚緊)