我漸漸學懂珍惜現在所擁有的任何事！

不論是朋友、家人或發生既事情！

我會全心全意咁去接受、享受、珍惜！

因為你唔會一世都咁好彩，同一樣既人或事：

人生唔一定會咁好彩再遇到第二次！

你有機會遇到一d壞人，但佢地都係比你人生既一個經驗！

你遇到一d愛護、愛錫你既人，唔係理所當然，所以要好好珍惜！

我既人生...同大家都無咩分別，一樣會遇到壞人、好人、錫你既人！

但係就睇下自己點樣去對待不同的人！

我...真係好好彩，有幾個好錫我、好重視我、好關心我既朋友！

佢地都係，係不同時間既巧遇，依一刻令我覺得自己已經好幸運、好幸福！

其實依排我真係好唔開心好唔開心，好想將自己收埋！

我唔開心我唔會講比朋友知，因為我知道佢地都有自己既煩惱，

自己既唔開心！



我係佢地心目中，永遠都係咁開心、咁快樂、無煩惱、帶比佢地開心！

所以我唔開心，就自己唔開心幾日就算，之後就無野架喇！

其實一個人對一個人好，唔一定有目的、想得到任何利益既！

琴晚我同左一個朋友仔食飯，仲傾左一輪TIM，我對佢講既說話！

係我從未試過毫無顧忌咁對一個人講！

其實佢真係好了解我 (點解會咁)，我只係簡單既一句一言！

佢就知我既心情、心意，我真係好好好感動！

我真係唔知可以講咩，我只可以衷心感激，真心咁講一句 "多謝"！



有陣時我真係好唔明白，我值唔值得人地對我既好、關心、愛錫呢？

值唔值得係由邊個去定架呢？

人既改變，係受邊個既影響？

以前既我又係點呢？

而家既我又係點呢？

我係咪逃避緊一D野呢？

其實有好多野我係明白、知道、了解既、只係......