寫呢篇野既時候我心情其實真係唔好，原因前日12月27發生既事......

前日(12月27日)放左Annual Leave去醫院陪爸爸睇報告,同行既當然有媽媽,仲有哥哥,( 我其實估唔到哥哥佢會黎,始終....唉...) 等左成個鐘至叫到我地入房,個醫生人已經瘦,仲好似苦瓜乾咁(係唔係做親腫瘤科都係咁既表情呢?) 佢同爸爸再檢查左, 問左大堆大小病曆, 之後問左我一個令我已經斷定到報告結果既問題: "爸爸媽媽有無同你地講發生左咩事要黎呢度...?"

上個幾月既抽組織檢查明明說,頸上似黃豆大小的小腫瘤明明是良性的,也豈不是雨過天清嗎?豈知上次再例行檢查時,其中一位大醫生番查所有病曆,包括了廿年前那一場差點奪去生命的疾病,又再找來幾個醫生分別再全身檢查數次,之後診定了那時的所謂怪病是"癌"的病徵...所以再抽一次頸腫瘤餘下組織及血液等等再驗一次...結果報告是"惡性淋巴腺腫瘤"

醫生詳細告訴了日後最基本的療法及情況,暫且似乎讓我們知道情況不一定是想像中的差,但誰知道及保證?既然個"慢性腫瘤"跟身廿年,現在發出來了,是會繼續慢落去or 之前慢慢行..現在.終於行到埋身? 只聽治療方法都知一定好辛苦好辛苦....

個電腦素描醫院最快要排期至3月中, 即是等埋報告覆疹就4中月..於是呀哥即時決定左去私家醫院做素描, 因為快.唔洗等,而且呢d病邊可能再等?暫時只要知道假如沒擴散跡象的話,只須一般電療及藥物,治癒的成數會高,否則最壞打算是化療...即是最辛苦既療程...

尋日下午,已經知道booking定左係12月31下午到養和做scan...哥哥會陪埋佢地去醫院,我可以放心返工先...唉...其實由一開始我地邊有放心過?

PS: 多謝呢件事上幫左我同關心我既各位好朋友先...我會識handle ,會take care 自己同屋企人.... ^^