二零零二年五月三日星期五日記 之 <貓貓>

晏晝, 又走出去食煙, 因為太眼訓! 我依舊將隻手好舒適地放o係欄杆之上, 依舊眺望遠景, 繼而沉思. 突然間, 我又見到有隻貓出現, 其實日日食煙都會見到有隻貓, 每一日, 隻貓都係好冷靜咁訓o係度抖涼, 好似好爽咁. 今日, 得我一個, 隻貓又係咁望實我唔放, 於是我心血來潮, 走埋隻貓身邊, 同佢傾偈. 我同佢講, 我曾經寫過一篇文章叫 “寵物的錯”, 係一篇紀念式既文章, 主角係一隻貓同埋一隻狗, 我問佢有冇睇過? 佢冇答我, 淨係識得望住我.

我仲同貓貓講, 我話好羡慕佢, 可以日日o係度抖涼, 係咪唔會有煩惱既呢? 跟住佢突然走開左, 仲跳上跳落, 唔知係咪即係對我既問題作出否認呢? 可能連貓貓都有佢地既煩惱! 不過諗真d,做貓就唔及做人咁精采啦!

放工後, 原本約左shirley食飯, 點知佢話不如去唱k, 因為阿豪同維維都會出黎, 仲有多一個男仔friend添! 我講笑地問佢, 係咪介紹男仔比我識, 佢竟然話係! 真係比佢激死. 其實我真係覺得咁樣幾老土架!! 我真係想隨緣多d.

唱k之前, 我叫左yoyo陪我去買耳環, 因為我賴我而家戴緊呢對耳環, 每次戴親都會失戀! 覺得好邪, 所以yoyo叫我即刻買過對, 但係最後都買唔到, 反而行潮流特區, 買左好多史歷奇既新產品! 唉! 又破財! 唔知遲d會唔會出史歷奇耳環呢?

唱完k只係23:30, 因為neway又趕人走. 我好快返到屋企, 沖完涼又上網, o係我個會所度同我d會員傾左一陣, 不過都傾到成凌晨02:00呀! 諗起第二日要返09:00 就迫自己熄機訓教.

最後, 我仲有一樣野講, 有個人已經比到 –4分我啦! 不過唔緊要, 我係唔會嬲亦都唔會激氣既, 反而我覺得好幼稚! 我唔知果個人係咩心態, 不過都好多謝佢花時間o係我d文章度. 呵呵呵呵呵呵呵呵呵呵呵呵呵呵呵呵呵呵呵!!!