有一類人，事事都怨天尤人，好似憎哂全世界咁。

你可能會係佢地口中聽到呀邊個邊個對佢點點點，不斷向你抱怨人地點樣做啲唔順佢意既野，但係你又會覺得佢口中個個「人地」其實都冇做錯啲咩呀。你又會開始諗佢會唔會係其他人面前都係咁抱怨過你呢？  

你亦都可能會聽過佢地講N咁多段情史非禮史，多到你會唔相信呢個係事實，多到你認為佢太過敏感。但係你永遠都只會奉承，而唔敢同佢地講：「你諗多左啦！」驚Hurt到佢地。 

 佢地可能會好體貼咁問你得唔得閒同佢傾幾句？即使你答好忙有野做唔得閒，你最後都會逼住聽佢講一大輪野。你終於發現佢個句並唔係問句，而係一句開場白。

  多一個朋友好過多一個敵人。但對於呢類人真係束手無策。如果你身邊有呢種朋友你可以：方法一，襯你仲味好憎佢之前慢慢疏遠佢，留一個好印象比自己比對方；方法二，直接同佢講叫佢改。如果你選擇後者，咁你對對方既反應應該要有個心理準備。

  我就選擇左方法三，繼續忍受。當好似宜家咁，忍受唔到就打下BLOG發洩下。就係因為對方信任自己，將自己當做有一定位置既朋友，先願意講咁多野比我聽。所以我會選擇繼續忍受，保留「一個願打，一個願捱」既關係。老土講句，呢啲咪溝通之道囉。