我一生人既夢想，就係有個遊樂場，
裡面除左有獅子，重有老虎大笨象，
機動遊戲唔在講，重有煙花相益彰。
我帶妳玩咖啡杯，轉到矜持走晒樣，
然後我去騎木馬，白馬皇子再登場，
一起去坐摩天輪，昇上高空採月亮，
再去玩下踫踫車，緣份天定要踫上，
並蒂荷花任觀賞，挽手湖邊看垂楊，
攜手同遊玫瑰園，嘗盡花開萬里香。

如要參觀遊樂場，需要批核與參詳，
請將履歷寄給我，不過最好有埋相，
女人要穿三點式，免我憑空來想像，
提供三圍的數字，咁樣先會有商量，
年齡唔會有限制，不過唔好過三張，
性格熱情又開朗，令我春心更盪漾，
詩書禮樂唔重要，最緊要係有靚樣。
變性一定唔會批，免我驚惶出洋相，
男人果d申請信，日已掉落垃圾箱。

其實申請既資格，男女老幼都一樣，
但到真正批核時，其實就係第二樣！
就如我追少芬妳，根本事先已張揚，
愛情唔會有限制，只係自己既幻想。
妳話妳要睇資格，可唔可以做對像，
其實資格這樣野，只係毒藥包糖漿，
心中一早有決定，只扮公平做下樣，
不如照直講清楚，免我傷神又心傷，
以為自己有希望，其實一早已出場。