昨日，
一條毛巾，兩份去用，
一張大床，兩個人訓，
一份報紙，兩人去睇，
一件心事，兩個人分。

昨日，
兩個性格，一同遷就，
兩種命運，一齊進行，
兩張咀巴，一起捱苦，
兩小情人，一齊開心。

今日，
雙人大床，一個人訓，
雙腸麵包，一個人吞，
相思風雨，一人去聽，
雙蒸醇酒，一個人飲。

今日，
一顆痴心，裂開兩份，
一雙戀人，兩地隔分，
一段住事，兩個回憶，
一刀兩斷，兩人傷心。

一物二用、二物一用，我不很清楚，
我只知道，一物二用、二物一用，令我好痛楚。