近日看到香港先生的宣傳短片，原來距離2005年香港先生選舉已一年了。2005年香港先生播完後，據聞收到好多投訴，
小弟於是四圍收風，原來投訴人除了城中市井，
連一些名人也有參與，我在這裡公開幾封投訴信給大家參考，

1. 投訴人 – 吳光師父
果晚直頭選乸型，皆因個個唔夠勁，
著泳裝時唔搽油，又唔曉得食炭精，
講野個個無中氣，跳舞好似發神經，，
講到果個第二名，挑！邊夠呀叔心口碎大石咁勁！

2. 投訴人 – 唐唐﹝哥哥好友﹞
表演項目唔全面，應該加入煲靓湯，
著睡衣都唔緊要，不過最好化埋妝，
重要加入一大堆，點睇男人既專訪，
最後唱埋左右手，咁至熱爆全香港。

3. 投訴人 – 山雞﹝言詞四級，未滿十八歲請勿觀看﹞
睇打功夫就知完x全唔識劈友！
睇著泳裝就知做鴨全x部九流！
O拿搶扮型實際個x個樣都戇x！
跳舞肉x酸到十足脾罅生花柳！
至於果班司儀，x！
都唔x知佢地講咩x！

4. 投訴人 – 老伯
入選全部後生仔，對d老人唔公平，
因為老人夠成熟，少少白髮重有型，
玩雀象棋耍太極，樣樣皆能先取勝，
如果可以推薦人，我會推薦李嘉誠。