每逢人地做錯事，我會即刻好介意，
我會將佢揪出來，嚴刑崚法來整治。
推出午門去斬首，或者處死於凌遲，
宮刑令佢變公公，油鑊炸到變炭屎，
挖左佢地果雙眼，再用五馬來分屍。


每逢自己做錯事，我就覺得小意思，
如要把我來懲罰，求求期期就了事。
罰我返工無野做，日日只可數手指，
幾個靚女伴身旁，忙到無得睇電視，
一日三餐無飯食，不過可以食鮑翅。

其實以上咁既事，已經發生好多次。
咁樣係兩重人格，抑或係因時制宜？
應該叫雙重標準，還是叫彈性處事？
其實咁樣叫自愛，或者應該叫自私？
我只知道，
我最憎人揸平治，最好自己買 AUDI。