到講下男仔喇.嘻嘻

(1)恆仔be

同佢係由一張乒乓波台上面識架 :> 果陣時IVE year1呢 .我鐘意打乒乓波.所以我成日走堂或者放學就會留係學校同d唔識既男仔打波 .日日都咁 ..有一日 ...恆仔be同埋佢果一班男仔走過黎話一齊打.佢地係讀電腦系架 .同我講野既就係佢喇...跟住每日都見得多..咁就熟落左lu .不過最重要既係佢又係住天水圍 .因為近啊.所以有時放假會約出黎行街睇戲食飯唱k .日子耐左就變成可以傾得心事既好朋友lu ..而家變埋阿哥添啦 :D 但佢明明細過我兩個月個喎.真係丫 *O* 同恆仔be都發生過好多事架..以前差唔多晚晚都一齊學車.跟住食野...而家因為做野lu.少見左dd啦...cathy都話我同佢既性格都好似 .所以先可以咁friend。

(2)阿財 & 阿堅
(左：阿堅 右：阿財)
阿財係我中4中5識架.但其本上呢.係讀完中5會考等放榜果時佢無啦啦打電話比我約我出黎玩 ...... 由果時開始先熟咋 .哈 ( 其實我中4中5係好唔開心呀過得.因為我同住一班6人既女仔一齊玩 .每日食lunck放學都一齊.真係辛苦到想死.我唔鐘意佢地d性格.又發姣.又亂咁發脾四.又易嬲又小氣..咩都齊啊.救命啊....所以果陣時都唔鐘意返學..直到就黎學期尾.我掉左位附近全部都係男仔黎.佢地同我都好好傾好夾.我覺得好可惜囉.咁遲先識到佢地.不過而家果班男仔亦成為我既好朋友啦.每逢大時大節就會成班約出來燒野食渣車載我地周圍去玩:> )

阿財係個有d收埋自己既人.但佢只會講心事我聽//嘻 ..好啊好啊
唔朱點解好多人都會同我講心事呀.可能我信得過呀 .哈

講起阿財就一定要提埋阿堅喇.阿堅係阿財介紹比我識架.因為佢地係老死.由細玩大果d .所以出親去玩就會有佢份啊.初時我以為阿堅係壞人果d啊.因為佢個look好型但又cool咁 .但識耐左原來係癲仔黎既 :P

(3) Marco 青春

嘻 .佢又係中4中5既同學黎啊.佢而家又係我阿哥黎lu..因為住得近啊.隔離村.所以我地每個星期都約出黎食飯傾下心事咁.佢最唔話得lu .以為我有困難果時都係第一時間幫我啊.我又係欠佢太多lu .嘻嘻.... 不過佢有d古怪.但我又鐘意同d古怪一齊 .感覺好特啊 *O*

(4之後)

光仔

係IVE同班架.但男仔之中我同佢最friend lu .其實果陣時我班得7個男仔咋 *O* 光仔會間中打電話比我傾電話.又會約我出去行街影相睇戲食飯.咁當然唔係話太過好friend好friend果d ..但佢個人都有d奇怪...哈. 要慢慢了解一下佢啦

(排左至右：Ivan仔>阿恩>阿精@下排左至右：小貓>我>光仔>阿華)

阿華.阿精.阿恩.章魚

衣四個男仔都係IVE同我一班架.基本上係我同cathy啦 .跟住光仔同佢地四個..我地差唔多成兩年都一齊玩一齊食lunck唱k放學喇 .
不過我會比cathy同班男仔friend d ,因為佢地會日日放學同我打乒乓波啊 .
有次我地成班黎我屋企燒野食 .玩通頂啊 .好開心 :D 跟住玩左好多集體遊戲.到朝早我地成班去酒樓飲早茶 .嘻嘻
上次我同班男仔去廟街食煲仔飯啊 .我第一次去咋.好特色呀 .


阿Doon 非州黑仔 河童 浩然

衣四個男仔係我打乒乓波果時先識架.前3個係讀year1 .我果時year2啊 .不過又幾好傾架 .可以話係波友黎丫 .浩然就好熟lu .year1果時就已經識喇 .佢讀電機系的。果時我地都成日約出去食壽司打波啊 ..但同佢都成日鬧交咁 *o*
但同佢地都有d感情啊.因為我同浩然係IVE乒乓波院隊 .果次比賽阿doon佢地專登黎為我地打戲.又成日陪我練波 ..果時差d就喜歡上佢lu .哇哈哈

張文 .M duck . 輝輝
M duck一家三口
佢地係阿財, Marco同我既同班同學黎啊.其實唔係成日見 /不過間中就會約出黎玩囉 ..張文同輝輝每次都渣車出黎 .所以好方便啊 *O*
M duck都幫我唔少呢 .有次夜媽媽走上佢屋企叫佢幫我print野啊 .我個printer無墨 .好彩得佢lu .嘻嘻


傑仔朱

佢係key3識架 .哈哈.但真係好夾好好傾好鬼friend .我當左佢係我個細佬啦 :D 果時都成日傾電話啊. 同佢咩都講得 ..真係放呀！
第一次約出黎我地去左睇戲啊.睇左鬼片不過悶到訓著左覺 *O*
不過佢就快去美國讀書lu .走之前一定要同佢打番場乒乓波啊.講左成年話陪我減肥打波都無左件事。

立be

同立be係最多經歷既一個黎架其實 ..開心同唔開心都有// 唔朱點解.可能有緣無份啦.嘻嘻
又係key3識架.已經好熟lu .有段時間基本上係日日見住..um...成日都有爭執..
唔開心野唔好提lu ...
總之就keep住好好朋友就得喇


Lin Lin & 阿Kit

佢地兩個而家讀緊大學year3 lu 我諗...定話出來做野呢.
我係5年前同朋友去泰國旅行果時識架.大家都係隊友黎 :D 果時我中5.佢地中7..
不過其實都係返香港之前一晚.佢地叫我同個朋友去佢地間房玩.成班年青人玩集體遊戲玩通頂啊//諗番起都好開心啊 *O*
幾好啊.. 到而家仲keep住聯絡啊. 兩位好哥哥


李波

我既新疆弟弟呀 .哇哈哈
而家仲keep住同佢icq聯絡啊.因為我懶得同佢寄信lu .嘻嘻
佢唱歌好好聽好有忠氣啊！


abe & Leon

好耐之前上網整網頁識lu .我諗3-4年前啦.. 我識abe先架 .Leon係abe既老死又係由細玩大的.但我反而未見過abe啊到而家到 *O* Leon就見過.果時係同恆仔be一齊約Leon出黎唱k呀 .因為佢唱歌好好好聽 .新秀入過16強呀.所以有d野想請教佢啊 ...嘻
佢地兩個都好好傾 .而家都keep住傾電話同icq啊。


李虫 & 阿璣 & 大舊

佢地3個係無關係的.我放埋一齊既原因係因為佢地都係我以前既男朋友啊 *O*
好多人話分左手之後就做唔番朋友
但我覺得唔係囉 .我同佢地仲keep住好friend既 .得閒又會傾電話 .真係幾好啊 .呵呵


Lay Lay朱 & 德仔 & 阿濤

嘻 .衣3個係cathy係IVE度打排球識既男仔黎架.佢地讀電機系 .佢介紹埋比我識 .都係好o岩傾果d啊 ..好好玩 .佢地有時同Cathy打定排球就走過黎同我打乒乓波 .果時晚晚都係學校留到7點先捨得走啊.真係好懷念以前IVE同d唔同班既朋友居然可以咁friend ..哈


其實男仔朋友仲有好多啊.不過講唔晒喇 .嘻嘻 ..唔好怪我呀 ,哇







總括黎講.同我friend既好朋友都係好鐘意唱歌 .仲要好好聽果隻 .跟住又多野講又主動既.先可以同我夾到丫馬 :D 嘻嘻