由3月份收到今年有花紅分既通告之後, 轉眼, 到六月底啦, 公司傳聞, 高層全部分哂, 我地D低下階層, 由行政部最高主管話,五月底有. 到依家6月底啦, 仲未有…國內公司, 無論香港同事同埋國內同事, 都怨聲載道, 明明係好事, 就搞到人人士氣低落, 究竟高層係咪想將大老虎, 三十幾年既心血摧毀, 另起爐灶, 但係, 我相信佢地無咁既能耐囉

花紅尚無影無跡, 但願唔好無疾而終啦, 所以依家唯有公佈, 未計花紅既6月份業績俾大家聽, 希望大家明白聾貓BB有難公司既最新狀況.

6月份, 錄得盈餘0.8%, 原預算即為盈餘0.3%, 多0.5%, 主要原因如下:

1.     遞延開支 少6.7%

2.     保險開支 少3.0%

3.     服裝開支 多(1.9)%

4.     娛樂開支 多(2.1)%

5.     財務開支 多(4.3)%

6.     其他開支 多(1.1)%

而去年同期, 即錄得盈餘32.1%, 而本年第二季度, 錄得虧損108.0%, 比起舊年第二季既盈餘82.0%, 差差差, 可見花紅似有還無對本公司既剎傷力....而總結今年上半年, 錄得虧損, 不但低於修訂預算7.3%, 比起去年上半年錄得盈餘31.5%, 一句講哂, 真係要一.."寫"以謝天下..好在, 花紅終於向6月28日發放, 遲左成3個月, 但係我國內既同事, 至7月初尚未有消息幾時發放..咁多位高層, 你地究竟理唔理解低下階層既慘況架? 你地就袋袋平安.....知唔知幾多人才向今年上半年捨我地公司而去????人...係人力資源黎架, 資源, 要好好咁珍惜同埋照料至得

而7月份, 計及花紅及稅項開支, 預測盈餘為86.4%, 而去年同期即錄得盈餘11.2%, 但去年同期亦有認股證收益83.4%