好友  
  相片  

2012年04月27日

夜機 -無止境 寂寥不安


 


以往搭飛機, 成日諗起衝上雲霄首主題曲架 愛上了 看見你 如何不懂謙卑 去講心中理想 不會俗氣 猶如看得見晨曦 才能歡天喜地, 今晚, 就諗起夜機


 


尋晚原定搭8點幾機返香港, 因為個到放工時間係5. 所以咪坐埋同事架車出去囉..點知, 有個同事唔生性, 話要等佢15分鐘, 咪等囉, 最終5點半至開車, 班機開84. 已經違反左我要3個鐘頭前出發既原則啦….我又己人憂天, 諗下趕唔到會點算(因為得今日一班, 間航空公司下班機要下個禮拜一)…不過都無事, 六點零鐘到機場.


 


到左機場, 我見到機場咁多人, 以為未開始check-in. 咪傻更更開住部電腦做野, 又見個航機顯示版, 話航班正常…..咪大安旨意囉, 點知, 航空公司有個人埋黎, 問我, 係咪返香港….然後就對住walki-talkie,搵到最後一個啦嚇得我呀, 雖然我件行李寄左艙, 正常道理佢要搵到我, 因為欏番件行李落機好麻煩.


 


去到登機閘, 個顯示版寫住 “the flight is coming”…都唔知發生乜野事..跟著見到d人向到食飯盒, 仲諗緊去唔去買一個點知, 見到d人排隊, 原來係欏飯盒..港龍真係好, 唔知搭東南西北航空有無呢? 個飯盒都幾好味


 


終於上到機啦遲左成兩個鐘, 原來依個只係惡夢既開始, 同人地調左位, 因為人地3個想坐埋一齊, 換左個窗口位..隔離個幾個男人不停講佢地細個個陣時睇既漫畫龍虎門呀, 刀劍笑, 中華英雄, 風雲咁….真係帶黎好多讀書時代既回憶, 個飛機餐, 都唔錯, 食得入口, 唔同東南西北航空, 無次食得哂架..


 


架飛機成日大幅度下降, 我仲以為咁快到添 (但係窗外面漆黑一片喎), 跟著聽到機長廣播, 原來深圳個到行雷閃電, 所以架機要向天空盤旋至少半小時….咁我繼續睇書啦, 跟著見到出面, 不停咁閃….開頭以為係導行燈(因為我坐近機翼), 原來係閃電……我隔離個個仲笑笑口話, 萬一劈中架機點算(實情係無可能, 唔好問我點解)


 


降落啦….但係, 見到機場, 點解有咁多機排住隊既, 跟著個機長又廣播, 因為同一時間好多機降落….所以又要等多半個鐘至埋到登機閘, 都好, 落咁大雨, 如果仲要搭巴士, 都唔知點算.


 


入到機場, 因為我地向2號登機大樓, 所以要搭巴士去1, 見到個訊息顯示版寫住, 凌晨時份, 班次..一小時一班, 都心知不妙架啦. 好在, 等左半個鐘姐不過都好耐無向香港嚐個迫巴士既滋味. 不過d人都講, 依架唔上, 容乜易又等多個鐘架都凌晨兩點啦喎


 


過完海關, 明明見個顯示牌寫住八號行李帶轉頭睇, 又唔見左個顯示喎, 所以好多人走左去個詢問處問乜野事, 咁等左咁耐, 燥係好正常既, 我都同個男地勤傾計, 讚佢地, 佢話, d場面, 都試過十幾次啦, 不過我咁大個仔, 第一次見


 


欏左行李啦, 因為原來A號機場巴士, 唔係通宵架喎..得番E, 我又笨左啦, 應該搭番出市區再轉的士嘛, 我就行左去的士站, 結果, 又等左半小時不過都好既, 咪當係一個經歷, 第日大個可以緬懷過去….


 


差唔多四點, 終於返到屋企啦又洗多左百五蚊, 最後, 某個程度都失眠左兩個幾禮拜, 今舖居然訓到11點喎….yeah yeah yeah……….


 


今次武漢行, 擔心既事, 最終都無發生, 成日同人講, 活在當下嘛……..不過我向公司既壽命, 最少應該可以維持多一個月 , 因為五月底, 又要去蘇州啦


 


完緣原鉛猿圓元源袁


 

於12年4月發佈



其他網誌共 1796 篇

未分類:1796篇

最新公開網誌 :     終於諗通了 (15年5月)
    院長最新病況滙報 (13年9月)
    今日見工之我感 (13年8月)
    又一城美食廣場紅豆冰事件(13年5月1 (13年5月)
    原來我真係好耐無上過黎打網誌 (12年11月)
    7月份財務報告 (12年7月)
    6月份財務報告 (12年6月)
    4月份財務報告 (12年4月)
    夜機 -無止境 寂寥不安 (12年4月)
    武當人家 (12年4月)
    別問我…的罪 (12年4月)
    春嬌與志明 (12年4月)
    3月份財務報告 (12年3月)
    2月份財務報告 (12年2月)
    1月份財務報告 (12年1月)
    12月份財務報告 (11年12月)
    11月份財務報告 (11年11月)
    10月份財務報告 (11年10月)
    9月份財務報告 (11年9月)
    8月份財務報告 (11年8月)
Pixel Cafe
包場開生日派對? 搞謝師宴? 公司活動? 舊同學聚會? 聖誕派對?