其實我有好多野想講,不過突然打起真係唔知想講乜

係現實中我冇辦法搵到個人可以俾我傾訴我內心既軟弱,因為我曾經聽過人講

女人既唔開心可以搵人傾訴,對住人去喊,甚至亂咁發洩

但係男人既唔開心就只係可以收埋係自己個心度,而呢個祕密係將會伴隨你既一生直到你入土為安果刻......

我唔知道點樣為之專一

可能因為我以前既工作令到好多人會覺得我身邊好多異性朋友,會覺得我好花FIT

我剩係知道我呢3年入面冇拍過拖更加冇對任何一個女仔動過心

除左你.......

可能呢個世界真係存在住"有緣無份"呢4個字

我同你可以係咁既環境之下遇到係我無法想像既事

但係估唔到天意弄人...係大家都明白大家心意既時候我先發覺到呢一個咁嚴重既問題

有人話愛情係可以誇越年齡,種族甚至性別

但係點解你又接受唔到呢?

我話過我唔會再搵你...我希望大家有個美好既回憶就算了

我重記得我地半年冇見過更加冇聯絡過,我曾經用唔同既方法去搵你

但係你都係冇理過我,直到有一日........可能呢D真係叫天意弄人,我同你再次係一個估唔到既埸合裡面撞番.....

我承認果一晚...係我一生人中最快樂既一晚...雖然只係好短暫

我地再次走番埋一齊,雖然你一路都冇承認你係我既女朋友

但係你知唔知我心入面已經認定左係你......我重好記得最後一次我同你係元朗睇戲

果一晚我真係好開心,你知唔知我心入面第一次有一種

"有了你,沒了世界又如何"

既感覺,我覺得自己真係好幸福,雖然係自己幻想俾我自己既...但係我亦都心滿意足

只係估唔到...你會用一個咁殘忍既方法去同我結束呢一段關係...

你知唔知我真係好愛你....你又知唔知我真係好恨你.....

我從來都唔覺得自己偉大 祝你幸福呢D野我講唔出口

我剩係覺得 有幾愛..就要有幾恨...

最後,我放棄左我既工作,事業

係呢幾個月 雖然我都係冇辦法去忘記你既身影 但係我知道..終有一日我可以走出呢個幽谷

我只係想搵一個"專一"既女仔 去陪我走番出黎 可以嗎?

3/2/2011